Khawateen main wazan barnay ki wajohat | خواتین میں وزن بڑھنے کی وجوہات — جانیں کیوں بڑھتا ہے جسمانی وزن؟

Click here for read in English 

تعارف

عورت کا جسم فطری طور پر نہایت نازک، حساس اور تبدیلیوں سےبھرپور ہوتا ہے۔ ہارمونی نظام (Hormonal System)،  حیض (Monthly Cycle)، حمل، نفاس اور بڑھتی عمر کے ساتھ جسم میںکئی قدرتی تبدیلیاں آتی ہیں۔ ان میں سے ایک عام مگر  تشویشناک مسئلہ ہے وزن بڑھ جانا۔ اکثر خواتین محسوس کرتی ہیں کہ وہ پہلے جیسا کھانا کھا رہی ہیں، لیکن وزن تیزی سے بڑھ رہا  ہے۔ بعض اوقات یہ صرف خوراک کی وجہ سے نہیں ہوتا، بلکہ جسم کے اندرونی نظام میں بگاڑ اس کا سبب بنتاہے۔آئیے جانتے  ہیں، وہ کون سی اہم وجوہات ہیں جن کی وجہ سے خواتین کا وزن بڑھتا ہے۔

وزن بڑھنے سے خواتین میں پیدا ہونے والی بیماریاں اور ان کی وجوہات read here

1. ہارمونی تبدیلیاں (Hormonal Imbalance)

خواتین کے جسم میں ہارمونی توازن کا ذرا سا فرق بھی وزن پر اثر ڈال دیتا ہے۔ خاص طور پر تھائیرائیڈ (Thyroid)، ایسٹروجن (Estrogen)، انسولین (Insulin) اور پروجیسٹرون (Progesterone) جیسے ہارمون وزن کو کنٹرول کرتے ہیں۔ جب تھائیرائیڈ کمزور ہو جاتا ہے (Hypothyroidism)، تو Metabolism سست پڑ جاتا ہے، جس کے نتیجے میں جسم زیادہ کیلوریز (Calories) جلانے کے بجائے انہیں چربی کی صورت میں جمع کرنے لگتا ہے۔ اسی طرح ایسٹروجن کی زیادتی یا کمی بھی  پیٹ، رانوں اور کولہوں پرچربی جمع کرنے کا باعث بنتی ہے۔

2. غیر متوازن خوراک اور زیادہ کیلوریز

آج کل خواتین کا طرزِ زندگی بہت مصروف ہے  گھریلو کام، دفتر، بچوں کی دیکھ بھال  اس دوران اکثر خوراک کا توازن  بگڑجاتاہے۔فاسٹ فوڈ، بیکری آئٹمز، میٹھے مشروبات، چائے یا کافی کا زیادہ استعمال جسم میں اضافی کیلوریز بڑھا دیتا ہے۔ جب جسم  کو ان کیلوریز کو استعمال کرنے کا موقع نہیں ملتا تو وہ چربی کی شکل میں  پیٹ، بازوؤں، اور کولہوں پر جمع ہو جاتی ہیں۔

3. نیند کی کمی

نیند نہ صرف دماغ بلکہ وزن کے لیے بھی ضروری ہے۔ تحقیق کے مطابق اگر کوئی عورت روزانہ 6 گھنٹے سے کم نیند لیتی ہے تو اس  کے جسم میں لیپٹِن (Leptin) اور گرلین (Ghrelin) ہارمونز متاثر ہوتے ہیں، جو بھوک اور توانائی کو کنٹرول کرتے ہیں۔ نیند کی کمی سے بھوک بڑھ جاتی ہے، میٹھا کھانے کا دل کرتا ہے، اور Metabolism سست ہو جاتا ہے 

 نتیجہ: وزن میں اضافہ۔

خواتین کے لیے مکمل ڈائٹ پلان — وزن کم کرنے کا صحت مند اور قدرتی طریقہ  read here 

4. دواؤں کے اثرات

کئی خواتین  مانع حمل گولیاں (Birth Control Pills)، ہارمونی تھراپی، یا اینٹی ڈپریشن ادویات استعمال کرتی ہیں۔ ان ادویات  کا ایک عام سائیڈ ایفیکٹ وزن میں اضافہ ہے۔ یہ دوائیں جسم میں پانی روکنے، بھوک بڑھانے یا Fat Storage بڑھانے کا  سبب بن سکتی ہیں۔ اگر آپ کو دوا شروع کرنے کے بعد وزن بڑھنے کا احساس ہو تو ڈاکٹر سے مشورہ ضرور کریں۔

5. ذہنی دباؤ اور تناؤ (Stress)

ذہنی دباؤ، پریشانی یا مستقل تھکن سے جسم میں  کارٹیسول (Cortisol) ہارمون کی سطح بڑھ جاتی ہے یہ ہارمون جسم کو  ’’خطرے‘‘ کی حالت میں سمجھتا ہے اور توانائی محفوظ رکھنے کے لیے چربی جمع کرنے لگتا ہے۔اسی لیے زیادہ  Stress  لینے والی  خواتین میں پیٹ کے گرد چربی زیادہ بنتی ہے۔

6. زیادہ میٹھا اور پراسیسڈ فوڈ

بازاری کھانے، میٹھے مشروبات، کولڈ ڈرنکس، اور چاکلیٹ کی عادت جسم میں  انسولین ریذسٹنس (Insulin Resistance)  پیدا  کرتی ہے۔انسولین ریذسٹنس کے باعث جسم خون میں موجود شوگر کو صحیح طرح استعمال نہیں کر پاتا، اور وہ چربی میں تبدیل ہو  جاتی ہے۔ یہی وجہ ہے کہ زیادہ میٹھا کھانے والی خواتین میں ٹائپ 2 شوگر اور موٹاپے کا خطرہ بڑھ جاتا ہے۔

خواتین کے لیے وزن کم کرنے کی بہترین ورزشیں اور روزمرہ عادات  Read here

7. بیٹھے رہنے کی عادت (Sedentary Lifestyle)

بہت سی خواتین دن بھر گھر یا دفتر کے کاموں میں مصروف رہتی ہیں، مگر جسمانی سرگرمی کم ہوتی ہے۔ ورزش یا چہل قدمی نہ  ہونے کی وجہ سے جسم کیلوریز نہیں جلاتا۔ روزانہ تھوڑا سا  واک، یوگا، یا ہلکی ورزش  وزن کو قابو میں رکھنے کے لیے نہایت  ضروری ہے۔

8. حمل (Pregnancy) اور بعد از زچگی تبدیلیاں

حمل کے دوران جسم کو بچے کی نشوونما کے لیے اضافی توانائی چاہیے ہوتی ہے۔ اس دوران وزن بڑھنا ایک قدرتی عمل ہے،  لیکن بعض خواتین میں بچے کی پیدائش کے بعد بھی وزن کم نہیں ہوتا۔ اس کی وجہ  ہارمونی تبدیلیاں، دودھ پلانے کے دوران  بھوک کا بڑھنا اور Metabolism کا سست ہونا  ہو سکتی ہیں۔ بعد از زچگی ورزش اور متوازن خوراک سے یہ وزن بتدریج کم کیا جاسکتا ہے۔

9. عمر بڑھنا اور ہارمونی تبدیلیاں

عمر بڑھنے کے ساتھ ایسٹروجن کی سطح کم ہونے لگتی ہے، جس سے جسم میں  Fat Storage  بڑھ جاتا ہے اور  Muscle Mass   کم۔ خواتین کے لیے 35 سال کے بعد وزن قابو میں رکھنا مشکل ہو جاتا ہے۔ اس لیے عمر کے ساتھ خوراک اور ورزش میں  توازن برقرار رکھنا لازمی ہے۔

10. پانی کم پینا

پانی کی کمی بھی وزن بڑھنے کی ایک چھپی ہوئی وجہ ہے۔ جب جسم میں پانی کم ہوتا ہے تو  Metabolism سست ہو جاتا ہے اور  جسم  چربی جلانے کے بجائے ذخیرہ  کرنے لگتا ہے۔ خواتین کو روزانہ کم از کم 8-10 گلاس پانی پینا چاہیے تاکہ جسم کے اندرونی  نظام درست رہیں۔

وزن کو قابو میں رکھنے کے چند آسان مشورے

•  روزانہ کم از کم  30 منٹ چہل قدمی کریں۔
• پانی زیادہ  پئیں، میٹھے مشروبات سے پرہیز کریں۔
• پروٹین، فائبر، پھل اور سبزیاں خوراک میں شامل کریں۔
•  نیند کا وقت  7-8 گھنٹے  رکھیں۔
•  ذہنی دباؤ کم کرنے کے لیے نماز، ذکر، یا ہلکی یوگا اپنائیں۔
•  اگر وزن تیزی سے بڑھ رہا ہو تو  ڈاکٹر سے ہارمونی ٹیسٹ لازمی کروائیں۔

اختتامیہ

خواتین میں وزن بڑھنا ہمیشہ صرف زیادہ کھانے یا کم چلنے کی وجہ نہیں ہوتا۔ بعض اوقات جسم کے اندر چھپی تبدیلیاں، ہارمونی  بگاڑ، یا ذہنی دباؤ اصل سبب ہوتے ہیں۔ اہم بات یہ ہے کہ آپ اپنے جسم کے اشاروں کو سمجھیں، ان کی وقت پر پہچان کریں  اور انہیں نظر انداز نہ کریں۔ متوازن خوراک، نیند، اور پرسکون ذہن — یہی صحت مند وزن اور خوبصورت زندگی کی کنجی ہیں۔